តើលោកអ្នកមានអារម្មណ៍ទទេ និងអស់សង្ឃឹមក្នុងជីវិតដែរឬទេ?

ជីវិតមានពណ៌ចម្រុះ និងភាពចម្រុះគ្នា។ ជាច្រើនដង លោកអ្នកមើលឃើញជីវិតរបស់មនុស្សម្នាក់នេះ ឬអ្នកនោះសប្បាយចិត្ត និងគួរឲ្យចាប់អារម្មណ៍។ លោកអ្នកក៏ចង់ឱ្យជីវិតរបស់លោកអ្នកដូចគ្នាដែរ។ ប៉ុន្តែនៅពេលដែលលោកអ្នកក្រឡេកមើលទៅជីវិតរបស់លោកអ្នកវិញ លោកអ្នកមើលមិនឃើញអ្វីសោះ លើកលែងតែភាពពណ៌ខ្មៅនៃអារម្មណ៍ទទេ និងភាពអស់សង្ឃឹម។

មានសម្ពាធជាច្រើននៅក្នុងជីវិត និងការងារជាច្រើនកើតឡើង។ ហើយលោកអ្នកមានអារម្មណ៍សង្ស័យអំពីខ្លួនឯង និងអារម្មណ៍នៃ "ភាពមិនប្រាកដប្រជា" នៅកណ្តាលជីវិតដែលពោរពេញទៅដោយភាពចលាចល និងការព្រួយបារម្ភ។ ទោះជាយ៉ាងណា លោកអ្នកដឹងថា លោកអ្នកគួរតែរីករាយនឹងជីវិតឥឡូវនេះ ហើយមានគោលដៅដើម្បីព្យាយាមសម្រេចបាននូវអ្វីដែលអ្នកចង់បាននាពេលអនាគត។ ប៉ុន្តែអ្វីគ្រប់យ៉ាងនៅតែត្រលប់មកអារម្មណ៍នៃភាពទទេនោះវិញ។

ប្រសិនបើអ្នកកំពុងស្វែងរកវិធីដើម្បីយកឈ្នះអារម្មណ៍នៃភាពទទេរ និងអស់សង្ឃឹមនេះ។

ចូរបន្តអាន និងស្វែងរកគន្លឹះនៃស្ថានភាពរបស់អ្នកនៅខាងក្រោមនេះ៖

ហេតុអ្វីបានជាលោកអ្នកមានអារម្មណ៍ថាទទេ?

អារម្មណ៍នៃភាពអស់សង្ឃឹមក្នុងជីវិតលេចឡើងបន្ទាប់ពីមានការផ្លាស់ប្តូរដ៏ធំមួយកើតឡើងចំពោះលោកអ្នក។ ពេលប្រឈមមុខនឹងហេតុការណ៍ដ៏ធំនោះ អ្នកនឹងងាយធ្លាក់ក្នុងអារម្មណ៍នេះ។

ទាហរណ៍ ការបាត់បង់មនុស្សជាទីស្រឡាញ់ ឬបែកបាកទំនាក់ទំនង អាចបង្កើតភាពទទេនៅក្នុងដួងចិត្តរបស់អ្នក។

ហេតុផលសំខាន់មួយទៀតដែលលោកអ្នកមានអារម្មណ៍ថាទទេគឺដោយសារតែលោកអ្នកមិនអាចស្វែងរកអត្ថន័យនៃជីវិតរបស់អ្នក។

ក្នុងរយៈពេលដ៏វែង ភាពទទេនៅក្នុងដួងចិត្តរបស់លោកអ្នកនឹងបង្កើតអារម្មណ៍ពិការ និងភាពអស់សង្ឃឹមក្នុងជីវិត។

តើមានវិធីណាមួយដែលអាចជួយអ្នកយកឈ្នះលើអារម្មណ៍នៃភាពទទេស្អាត និងភាពអស់សង្ឃឹមនេះបានទេ?

«កុំឲ្យភ័យខ្លាចឡើយ ដ្បិតព្រះទ្រង់គង់នៅជាមួយនឹងលោកអ្នក កុំឲ្យស្រយុតចិត្តឲ្យសោះ

ពីព្រោះទ្រង់ជាព្រះនៃលោកអ្នក ទ្រង់នឹងចំរើនកំឡាំងដល់លោកអ្នក»

ព្រះយេស៊ូវប្រទានដល់លោកអ្នកនូវអំណាចដើម្បីយកឈ្នះលើភាពទទេ និងភាពអស់សង្ឃឹម

ព្រះអង្គជាអ្នកបង្កើតសកលលោកនេះ ហើយគង់នៅជាមួយនឹងអ្នកជានិច្ច ហើយត្រៀមខ្លួនជាស្រេចដើម្បីជួយផ្លាស់ប្រែជីវិតរបស់លោកអ្នក។

ទ្រង់ដឹងថា ជីវិតតែងតែពោរពេញដោយការលំបាក និងព្រឹត្តិការណ៍ផ្សេងៗ។ ដូច្នេះ ទ្រង់ប្រទានដល់លោកអ្នកនូវសេចក្តីសន្យា ថានឹងការពារអ្នករាល់គ្នា៖ «ចូរមានកំឡាំងហើយចិត្តក្លាហានឡើង កុំឲ្យខ្លាច ឬមានសេចក្តីភ័យញ័រចំពោះគេឡើយ ដ្បិតគឺព្រះយេហូវ៉ា ជាព្រះនៃឯង ដែលយាងទៅជាមួយនឹងឯង ទ្រង់មិនដែលខាននឹងប្រោសឯងទេ ក៏មិនដែលលះចោលឯងដែរ។»

ទោះបីជាស្ថិតក្នុងស្ថានភាពលំបាកបំផុតក៏ដោយ ទ្រង់ជ្រាបរួចហើយ ហើយនឹងការពារ ហើយផ្តល់ឱ្យលោកអ្នកនូវសេចក្តីសុខសាន្តនៅក្នុងចិត្តរបស់លោកអ្នក។

ព្រះយេស៊ូវប្រទានអំណាចដល់លោកអ្នក នូវក្នុងការយកឈ្នះលើភាពទទេ និងភាពអស់សង្ឃឹម

ព្រះជាម្ចាស់បានបង្កើតពិភពលោកនេះ ហើយទ្រង់គង់នៅជាមួយនឹងលោកអ្នក ទ្រង់ចង់ប្រទានដល់លោកអ្ននូវជីវិតថ្មីដែលពេញបរិបូរណ៍។

ទ្រង់ដឹងថាជីវិតគឺតែងតែប្រឈមមុខនឹងទុក្ខលំបាក និងហេតុការណ៍អាក្រក់ផ្សេងៗ។ ដូច្នេះហើយទ្រង់បានប្រទានការសន្យាថា នឹងការពារដល់យើងទាំងអស់គ្នា «ដូច្នេះចូរមានកំឡាំងហើយចិត្តក្លាហានឡើង កុំឲ្យខ្លាច ឬមានសេចក្តីភ័យញ័រចំពោះគេឡើយ ដ្បិតគឺព្រះយេហូវ៉ា ជាព្រះនៃឯង ដែលយាងទៅជាមួយនឹងឯង ទ្រង់មិនដែលខាននឹងប្រោសឯងទេ ក៏មិនដែលលះចោលឯងដែរ»។

ទោះបីជាស្ថិតនៅក្នុងស្ថានភាពដ៏លំបាកបំផុតក៏ដោយ ព្រះទ្រង់ជ្រាប ហើយទ្រង់ការពារដល់លោកអ្នក និងប្រទានដល់លោកអ្នកនូវសេចក្តីសុខសាន្តនៅក្នុងចិត្តជានិច្ច។

ព្រះយេស៊ូវស្រឡាញ់លោកអ្នក ហើយមានផែនការដ៏អស្ចារ្យសម្រាប់ជីវិតដ៏មានន័យរបស់អ្នក។

ព្រះទ្រង់បានបង្កើតលោកអ្នកជារូបអង្គទ្រង់។ ទ្រង់ស្រឡាញ់លោកអ្នកដោយគ្មានលក្ខខណ្ឌ ហើយមិនផ្លាស់ប្តូរឡើយ។ ទ្រង់ស្រលាញ់លោកអ្នកខ្លាំងណាស់ ដោយព្រោះទ្រង់បានសុគតជំនួសអំពើបាបលោកអ្នក។

គ្មានអ្វីអាចបំបែកសេចក្ដីស្រឡាញ់របស់ទ្រង់ចំពោះលោកអ្នកបានឡើយ។ ដូចគ្នានេះដែរ គ្មានអ្វីអាចដកយកជីវិតអស់កល្បជានិច្ចជាមួយទ្រង់ ដែលទ្រង់បានប្រទានដល់លោកអ្នកបានឡើយ។

ព្រះមានផែនការដ៏អស្ចារ្យ និងប្រទាននូវជីវិតដ៏មានអត្ថន័យដល់លោកអ្នក។ ទ្រង់បានសន្យាថា៖ «អញស្គាល់សេចក្តីដែលអញគិតពីដំណើរឯងរាល់គ្នា មិនមែនគិតធ្វើសេចក្តីអាក្រក់ទេ គឺគិតឲ្យបានសេចក្តីសុខវិញ ដើម្បីដល់ចុងបំផុត ឲ្យឯងរាល់គ្នាបានសេចក្តីសង្ឃឹម»។

វាជាការដ៏អស្ចារ្យណាស់ ដែលព្រះអង្គជាអ្នកបង្កើតសកលលោក ស្ថានសួគ៌ និងផែនដី ទ្រង់ស្គាល់លោកអ្នក ហើយមានផែនការដ៏ល្អសម្រាប់លោកអ្នក។

ទ្រង់បានរៀបចំគ្រប់យ៉ាងសម្រាប់លោកអ្នក ទ្រង់កំពុងរង់ចាំលោកអ្នកអធិស្ឋានទៅកាន់ទ្រង់ឥលូវនេះ។

តើលោកអ្នកសម្រេចចិត្តនៅក្នុងការអធិស្ឋានទៅព្រះយេស៊ូវដែរឬទេ?

ប្រសិនបើលោកអ្នកចង់អធិស្ឋានទៅកាន់ព្រះយេស៊ូវ ដើម្បីយកឈ្នះនូវអារម្មណ៍នៃភាពទទេ និងភាពអស់សង្ឃឹម ចូរអធិស្ឋានតាមលំនាំអធិស្ឋានដូចខាងក្រោមនេះ៖

“ព្រះអម្ចាស់យេស៊ូវអើយ!

ទូលបង្គំដឹងថា ព្រះជ្រាបនូវអារម្មណ៍ដែលទទេ និងភាពអស់សង្ឃឹមដែលទូលបង្គំឆ្លងកាត់។ ទូលបង្គំដឹងថា ព្រះអង្គតែងតែស្រលាញ់ទូលបង្គំ ហើយគង់នៅក្បែរទូលបង្គំជានិច្ចគ្រប់ទីកន្លែង

សូមយាងចូលមកកាន់ជីវិតទូលបង្គំ ហើយដកយកអារម្មណ៍នៃភាពទទេ និងភាពអស់សង្ឃឹមរបស់ទូលបង្គំផង សូមទ្រង់បានមានបន្ទូលមកកាន់ទូលបង្គំ ដើម្បីបង្ហាញទូលបង្គំអំពីអត្ថន័យជីវិតដ៏ពិតប្រាកដ ដូចដែលទ្រង់បានបង្កើតទូលបង្គំមកដូចរូបអង្គទ្រង់។ អរគុណព្រះអង្គ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាមែន!

តើលំនាំនៃការអធិស្ឋានខាងលើដូចទៅនឹងអ្វីដែលលោកអ្នកចង់អធិស្ឋាននៅក្នុងចិត្តដែរឬទេ? ប្រសិនបើដូច នោះសូមអធិស្ឋានតាមលំនាំនោះម្តងទៀត ដូចជាលោកអ្នកកំពុងនិយាយជាមួយព្រះអង្គ។