នៅក្នុងជីវិតយើងម្នាក់តែងតែជួបនូវរឿងហេតុឈឺចាប់ និងរបួសដួងចិត្តជាច្រើន។ នៅពេលនោះលោកអ្នកគិតថា «ខ្ញុំនឹងបន្តនៅក្នុងការដើរជាមួយនឹងភាពឈឺចាប់នោះជារាងរហូត។ មនុស្សម្នាក់ៗតែងតែជួបនូវរឿងហេតុផ្សេងៗពីគ្នា។​ ប្រហែលជាលោកអ្នក កំពុងជួបនូវភាពឈឺចាប់ដោយសារ ស្នេហា ការបាត់បង់មនុស្សជាទីស្រលាញ់ ត្រូវមិត្តភក្តិក្បត់ ឬគ្រាន់តែពាក្យសម្តីដែលចេញពីមនុស្សដែលលោកអ្នកស្រលាញ់ក៏អាចធ្វើអោយលោកអ្នកឈឺចាប់ដោយអចេតនាបានផងដែរ។

តើលោកអ្នកធ្លាប់ជួបនូវស្ថានភាពបែបនេះទេ? តើលោកអ្នកគិតថាលោកអ្នកមិនអាចឈកឈ្នះភាពឈឺចាប់នោះ ហើយបន្តរស់នៅជាមួយសុភមង្គលបានមែនដែរឬទេ? សូមស្វែងរកដំណោះស្រាយជាមួយពួកយើងតាមរយៈអត្ថបទខាងក្រោមនោះ។

តើធ្វើដូចម្តេចដើម្បីព្យាបាលការខូចខាតខាងក្នុង?

ព្រះយេស៊ូវតែងតែនៅជិតមនុស្សដែលខូចចិត្ត ហើយជួយសង្គ្រោះអ្នកដែលស្ថិតក្នុងស្ថានភាពអស់សង្ឃឹម។ នោះគឺជាការសន្យាដ៏ប្រាកដរបស់ទ្រង់ចំពោះអ្នក និងមនុស្សទាំងអស់។

 ដូច្នេះ មិនថាស្ថានភាពរបស់អ្នកអាក្រក់យ៉ាងណាទេ ទ្រង់តែងតែនៅទីនោះ ហើយរង់ចាំជួយអ្នក នៅពេលអ្នកបើកមាត់ទៅកាន់ទ្រង់។

ព្រះទ្រង់នឹងព្យាបាលរបួសដួងចិត្តរបស់លោកអ្នក

កាលណាលោកអ្នកផ្តោតលើការឈឺចាប់របស់លោកអ្នកកាន់តែច្រើន នោះលោកអ្នកនឹងមានអារម្មណ៍ឈឺចាប់កាន់តែខ្លាំង។

ផ្ទុយទៅវិញ ចូរអោយយើងបានផ្តោតលើព្រះយេស៊ូវគ្រីស្ទវិញ ព្រោះទ្រង់មានអំណាចនៅក្នុងការព្យាបាលដល់លោកអ្នក។

ពេលលោកអ្នកថ្វាយរាល់ទាំងបន្ទុកដល់ព្រះជាម្ចាស់ នោះទ្រង់ក៏ចាប់ផ្តើមស្តារចិត្តលោកអ្នកឡើងវិញ។​ ទ្រង់ស្រលាញ់លោកអ្នក ហើយចង់ឃើញលោកអ្នករស់នៅដោយអំណរ។​

តើលោកអ្នកត្រៀមខ្លួនដើម្បីអធិស្ឋានទៅកាន់ព្រះយេស៊ូវហើយឬនៅ?

ប្រសិនបើលោកអ្នកចង់ទទួលការព្យាបាលពីទ្រង់ នេះជាលំនាំអធិស្ឋានសម្រាប់លោកអ្នក៖

ព្រះអម្ចាស់យេស៊ូវអើយ! ទូលបង្គំជឿថាព្រះអង្គជ្រាប នូវអ្វីដែលទូលបង្គំកំពុងឆ្លងកាត់នេះ។ ទូលបង្គំជឿថា ទ្រង់មានអំណាចនៅក្នុងការព្យាបាលរបួសដួងចិត្តរបស់ទូលបង្គំ។

សូមទ្រង់បានយាងចូលមកក្នុងជីវីតទូលបង្គំ ហើយដកអស់ទាំងបន្ទុក និងភាពជូរល្វីងចេញពីដួងចិត្តរបស់ទូលបង្គំ។ សូមទ្រង់ព្យាបាលដួងចិត្តរបស់ទូលបង្គំ ហើយប្រទានដល់ទូលបង្គំនូវអំណរនៅក្នុងជីវិតនេះ។ អរព្រះគុណព្រះអង្គ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ។ អាមែន!

តើលំនាំនៃការអធិស្ឋានខាងលើដូចទៅនឹងអ្វីដែលលោកអ្នកចង់អធិស្ឋាននៅក្នុងចិត្តដែរឬទេ? ប្រសិនបើដូច​ នោះសូមអធិស្ឋានតាមលំនាំនោះម្តងទៀត ដូចជាលោកអ្នកកំពុងនិយាយជាមួយព្រះអង្គ។